في الصاله الفوقية
ظلت هدى تطالع المكان بتمعن لفت نظرها صور كثيرة قربت ولقت كلها لسحر وعيالها وأخوها
..أما ملاك ما شافت لها ولا صورة استغربت وسكتت ... لفت وجهها شافت 4 غرف مبتعدين عن
بعض بس لفت نظرها غرفة بعيده عنهم وكأنها قسم خاص ..استغربت وظلت تتقرب لين وصلت للباب وطقته ما سمعت رد وطقته مرة ثانيه ما سمعت رد ...
هدى بهدوء: ملاااك ...
من وراها سالم: ما بترد عليك ...
هدى لفت له مستغربه: سلوم ... أ ... هذي غرفتها ... ؟؟؟
سالم بلا مبالاه : قولي مقببببببرتها ... (ومشى لغرفته)
هدى إحتارت بس مع كذا أحترمت رغبة ملاك ونزلت تكمل الجلسة معاهم ..
**********************************************
الساعة 9 الليل
طلعوا كلهم راجعين واللي موصلهم هو جاسم وكان حديثهم طول الوقت عن الاستقبال في بيت ابو سالم ...
قطعت عليهم الجدة: إلا هدى... أنت ما شفتيها.؟؟؟؟؟؟؟؟..
هدى: لا يمه .... (وبحيره) بس ما أدري يمه ... أحس إنها إنطوائيه أو ...
أم محمد بإهتمام: أو اييييييييييش؟؟؟؟ ...
هدى : ما أعرف ... من كلام أخوها سالم أحس إنه... ما أعرف كيف أفسر ...
الجده بقهر: أحد قال له يتزوج بريطانيه ... قلوا خلق الله ...
أم جاسم : يوه يا عمه توك تقولي بتفتحي صفحه جديدة ...(لفت لولدها) المهم جاسم أبوك بالبيت وإلا؟؟؟؟؟؟ ....
جاسم : إلا بالبيت ... ومعاه أعمامي وعلى فكرة (حب يحرق دمهم)... جهزوا حالكم للتهزززززززيء ...
الجده بقلق: ليكون أبوك عرف ؟؟؟؟؟؟؟؟؟...
جاسم: أكيييييييييد
أم جاسم بلعت ريجها بخوف: طيب من قال له ...
جاسم : فواز ... ولد عمي ...
الجده : الله يغربله هالسوسة العمييييييه ....ابوو المصايييب..
جاسم ابتسم وبدفاع: اهو قالها بعفويه مفكر انكم قلتوا للأبهاااااااااااااااااات
الجده بتحنطب: لقاااااااااااااااااااااااافه
********************************
في مكان طابع عليه الفخامة الأشجار ومحاوطه الفلا الكبيرة من كل الجهات ويتخللها الإنارة الصفراء اللي تعطي ألوان رومانسيه مع العشب الأخضر ...
إنفتح الباب ودخلت سيارة جاسم نزل والنساء وراه فتحت لهم الخادمه الباب ودخلت الجده أول وحده بعكازها وراحت للصاله اللي الكل فيها : سلااااام ...
الكل : وعليكم السلام والرحمه ...
أبو جاسم وقف : يمه ... أنا...
الجده: لا تكمل ... أعرف وش بتقول ... (جلست بتعب) إنهد حيلي على ولدي ... سنين ما أشوفه بس أسمع صوته (نزلت راسها وهي تخفي دمعتها) وصية الغالي قبل لا يموت قال لي روحي له ... مهما يكون هذا ضناي مثل ما أنتوا ...
أبو محمد: بس هو غلط ونزل راسنا للقااااااااااااااااااع ...
الجده رفعت راسها بشموخ وطالعت أولادها الكبار : ماتت ... ماااااااااااااتت ... تعرف أنا الحين أتمنى تكون عايشه واستسمح منها ...
الكل من الصدمه : ....................؟؟؟؟؟؟؟
أبو جاسم بقوه: أمي ما تنزل راسها وتستسمح من أحد ...
الجده بقلة حيله: لو هي عايشه ... كان حبيت راسها ... (تنهدت) بالله وش إستفدنا لما ماتت
وزوجناه بنت من بناتنا (وزعت نظرها للجميع)... صار لا يجي ولا يزور ولا يسأل ... على الأقل لما كانت البريطانية
زوجته كانت تقول له يتصل يسأل وكانت تحثه يجي ويستسمح منا وحتى مع إعراضنا بس لما
زوجناه وحده منا وفينا ..... صار حتى ما يعرف واجباته من طاعة الوالدين ... الله يخليكم
سكتوا عني... قلبي أحترق عليه ... (طالعت أبو جاسم) أخوك تغير يا أبو جاسم .... تغير ... ما
عاد أبو سالم الطيب الحنون صار كتله من العصيان والتجريح ما يعمل حساب لأحد غير زوجته...
أبو جاسم جلس من الصدمه : إيش ... (بقهر بعد ما فهم غلط ) غلط عليك ؟؟؟؟؟؟؟؟؟؟...
الجده وقفت : مو أنا اللي يغلط علي ... أنا أممممممممه ... بس يكفي كلام اللي حوله.. يكفي كلام الناس
أبو محمد نزل راسه : يمه أنت تعرفي أن أبو سالم ما ...
هدى مقاطعه: بس تغير الحين أكثر من قبل ... وقسم بالله تغير ... تعرفوا حتى ملاك بنته صارت انطوائيه
أبو جاسم باستفسار : وهذي للحين عايشه ؟؟؟...
الجده انقهرت ووقفت : أبو جاسم ... (بتهديد) لا أغلط عليك ... البنت مالها ذنب...
(ومشت ترتاح في غرفتها)
أبو جاسم طالع أبو محمد وطلع ..وفضى البيت بعدها إلا من جاسم وأخوه علي من صار بجدهم
السكته القلبيه صاروا يسكنوا في بيت جدهم الكبير (القصر) ولما مات ما هان عليهم يطلعوا
ويتركوا جدتهم ففضلوا يجلسوا معاها وخصوصا إنهم تأقلموا على الوضع ...
موضوع: قلــــوبـ غلفها الحرمااااااااااااانـ (2) 
الخميس يوليو 17, 2008 6:23 pm
