قلــــوبـ غلفها الحرمااااااااااااانـ (4)

نزلت بهدوء من على الدرج وهي تشوف مرت أبوها وهي تعدل بدلت ولدها سجاد وتحبه بحنان الأم الفضيييييييييييييييع وتحضنه وتقول: يالله حبيبي ... روح للبابا بررره ...

سجاد: ثين .... (زين) وطلع

وقفت سحر وشافت ملاك وهي لابسه عباتها وابتسمت بسخرية: مبروووووووووووك يا عرووووووووووس ... مقدممممممممما

ملاك ما تكلمت لها وحقرتها ومشت من جنبها بس قبل ما تطلع سحر مسكت يدها : يمكن العريس يبي يشوفك ... عدلي مظهرك ... لا يرجعك فأول ليله لنااا....(تكتفت) مو ناقصييييييييين..مابغينا نفتك منك بعد ترجعيي..

ملاك لفت لها وظلت تطالعها وبعد مده تكلمت بصوتها الناعم اللي كأنه انغام موسيقية على هدوئه وثباته : بشتاق لك ... يا مررررت أبوي...

(سحبت يدها وراحت للمطبخ تشرب كاس ماي..من الخوف حست بحلقها نشف لا واللي زاد عليها كلااااام السم من مرت ابوها اللي تكرهها لان ابوسالم تزوج البريطانيه وهو مفرروض يتزوجها اهي..)

أم سالم انقهرت حدها وتنرفزت وعلى طول تغطت وطلعت ...

طلعت ملاك من المطبخ وراحت الصاله ما حست بأحد قربت للمرايه اللي عند الباب وعدلت شكلها شوي مع إنها ما تحتاااااااااج تعديل ..

وفتحت الباب وأول ما طالعت(لاحظوا ماطلعت) لقت تجمممممممممهر غييييييييييييير طبيعي وسمعت ...

: بتذبــــــــح البنــــــت ...

أبو سالم: بنتتتتتتتتتتتي وحر فيها ... يمــه.. الزواج و بيصير وأنا ما قلت لك عشان تمنعيني ...

الجده رفعت نظرها للباب وشافت وحده بخفه بتغلق الباب ..وهي على طول حقرت ولدها وراحت فتحت الباب ما شافت إلا ظهر البنت وهي عند آخر عتبه للدرج صاعده ..

الجده بحنان فياض: يمه ملاااااااااااااااااااك ...

ملاك أول ما سمعت كلمتها حست بنفسها بتصيح فبسرعه ركضت لغرفتها ...

أبو سالم يطالع ساعة يده: يمه تأخرنا .. أنا مو فاضي الرجال ضاق صدره من كثر الانتظاااااااااااااااااااااار.. والملاج يسأل للحين ما وصلوا ؟؟؟

من وراه : من صجك بتزوجها بواحد أكبر منننننك؟؟؟ ...

لف أبو سالم لمصدر الصوت وبدهشه: أبو جاسم ...

أبو جاسم أخذ نفس : أخوك أبو جاسم ... وإلا نستك المررررررره؟؟؟؟؟؟؟؟ ...
(طالع مرت أخوه اللي ماسكه سجاد)

أبو سالم بغضب: المره مالها دخل ... وأتوقع هذا اختياركم .؟؟؟؟؟؟؟..

أبو محمد: ممكن نعرف ليه بتعرس بنتك بشايييييييييييب هو والقبر واحد ...

أبو سالم عطاه ظهره: مالكم دخل فيني ... (ودخل داخل)

أبو جاسم مسك أعصابه: سمعت وش قال ... ؟؟؟

أبو محمد: عشان الوالدة هد أعصابك...

ماكمل إلا سمعوا صرخة أخوهم أبو سالم : فتحي الباب لا أكسره ...

هدى شهقت وعلى طول دخلت وراها أخوانها وأم سالم معاهم ...

أبو سالم يحرك مقبض الباب: فتحي بسرعة... بسرعة لا أكسر الباب وأذبحك طقققققققققق ...

أبو جاسم يحاول يهدي أخوه اللي أصغر منه : أبو سالم ... البنت خايفه وهي رافضه الزواج و

أبو سالم بدون شعور دز أخوه وانقلب مثل الثور الهائج : لما يصير على كيفها ذيك الحزه تكلم ....

(ولف للباب وضرباه ضربه بس وأنكسر الباب اللي كان خفيف وكان هو والطيحه واحد لأنه ما كان بقوة بيبان البيت كله اللي أعاد تجديده إلا هالغرفة ما جددوها ... بأمر من مررررته الحاقده )

أبو جاسم بسرعه: هديل نادي على جاسم بسررررررررعه ...

هديل فهمت ابوها و بسرعه نزلت للشباب : جااااااااااااااااااااسم ...أبوي يبييييك ...

جاسم استغرب وبعدها فهم ابوه وبسرعه صعد وراها بس ما وصل إلا وشافوا عمهم طالع من الغرفة وماسك البنت من شيلتها اللي كانت تحاول تخبي شعرها فيها وهو يشد على شعرها ويهزها بعصبيه ...

أبو سالم: آآآآخر مره ... وهذا آخر عمري و ...

أبو محمد مسك يد أخوه : أبو سالم أترك البنت ...

أبو سالم لف لهم وهو يشد شعرها أكثر من قبل وهي مغمضه عينها من الألم وما تتكلم ..

والجدة انفجعت أول مره تشوف ملاك ولما شافتها بعد 5 سنين تشوفها بهذا الشكل ... صرخت عليه : اترك البنت ذبحتها ... (حاولت تبعد يد ولدها عن بنته)

أبو سالم صرخ: بنتي وحر فيها ... أنا المسؤول عنها ...

أبو جاسم طالع ولده بنظرات وجاسم على طول فهمها ..

وأبو محمد بخوف على الملاك البرييييييء اللي قدامه : البنت بتموت بيدك

البنات كلهم يصيحوا على هالحاله وهديل من الخوف لزقت بجاسم وشاده على بلوزته بقوه وهو كان يعد داخل قلبه ... (1,2,3,4,5,............الخ)

الجده بعصبيه: أترك البنت الحين ... (شفتوا صيغة الأمر)

أبو سالم ابتسم وفجأة ضحك: خيييييييييير ... يمه... روحي مع عيالك ...

الجده : أنت بعد واحد من عياااااااااااالي

أبو سالم: كنت بس الحين .. لا

قطع عليه صوت جواله ورفعاه : هلا عبد الكريم ... لا الحين إحنا في الطريق... سلاااااااام ..

(سحب ملاك من شعرها وجرها قدامهم ولما وصل عند الدرج عقد حواجبه): تبااااااااااعد ...

جاسم على طول بخفيف: هديل ... بعدي ...(دزها بشوي شوي عشان ما تتألم)

هديل خافت وبسرعه بعدت وأما أبو سالم عصب عليه : تبااااااااااعد ...

جاسم بجمود مثل الصخر : أترك البنت ...

أبو سالم استغرب جرأته: ومن أنت عشان تحكمني؟؟ ...يابابا أنا عمممممممممك..والا ماقالوا لك؟؟؟

جاسم: أنا جاسم ... ولد أخوك .. وعارف انك عممممممممممي (باستهزاء)الحنوووووووووون

أبو سالم : أوووه ... جسووووووووم ... (وبسخريه) أنت صاحب الشركه اللي حق العايله ...
(وبسخريه أكبر) هزززززززززلت ..

جاسم مسك أعصابه وقال: البركه بعمي اللي تكفل بالسارقين والمتسوليييييييييين ...

أبو سالم عصب حده وعلى طول دز ملاك على الطاوله الموجودة في الصاله وهي على طول طاحت وعلى راسها صارت الضربه وسال الدم منها ..وهي فتحت عينها وبس شافت اللي أبوها بيسويه على طول اعتدلت وراحت له وهو توه مسك جاسم من رقبته بيذبحه ..

وهي تصرخ عليه : يبه يببببببببه الله يخليك لا ... لاااا ااااااااااااااااااا.... اتركه

جاسم كان بس يطالع نظرات عمه وبعدها لما شاف الدموع بعين بنت عمه ظل يطالعها أول مره يشوفها بس ما حس بنفسه إلا مخنوق مو قادر يتنفس ..

وأما أبو جاسم وأبو محمد باعدوا أبو سالم من جاسم اللي طاح على الأرض وهو حاط يده عند رقبته وياخذ نفس ..وهديل وريم جنبه ودموعهم أربع أربع وفجأة ما سمعوا إلا

: أنا موافقه موافقه عليه ... خلاص يكفي هذا العذاااااااااااااااب ... (جلست على الأرض منهاره)

هدى ما هانت عليها بنت أخوها الظالم وراحت لها : ملاااااااااك ...

ملاك غطت وجهها بدينها : بعرس عليه ... أنا مو معترضة ...

أبو سالم هدأت ثورت الغضب وترك أخوانه وراح لها : وش قلتي ؟؟؟؟؟؟؟؟؟؟؟... (يبي يتأكد مو مصددددق )

ملاك رفعت راسها وبعينها الطفوليه : أنا موافقه يبه ... موافقه على الزواج من اللي تبييييييييه ...

أبو سالم أخذ نفس وطلعاه : يالله قومي نروح للملاج ...

ملاك وقفت ومسحت دموعها : بجيب عباتي الثانية ... (وراحت غرفتها)

هدى على طول راحت وراها: ملاااااااك ...بتضيعي عمرك

شافت ملاك تعدل شعرها اللي موصل لتحت الركبة بشوي وترفعه وعلى طول لبست عباتها وطالعت عمتها ومشت

كان الكل مستغرب تصرفها الكل مستغرب في بنت بهذا الزمن هي بنفسها ترمي نفسها للشايب وهي توها أم 16 سنه ...

أبو سالم شافها وابتسم: يالله ... (توه بيمشي دق جواله شاف المتصل ورفعاه) هلا ... (وبصدمه) إيش ... متى ... (تبهدل) ... والزواج ... والبنت والفلوس ... (سكر الجوال ولف لأخوه أبو جاسم) كله منننننننننننك (منقهر حدددددددددددددده)

أبو جاسم بحزم: أحترم نفسك ...

أبو سالم على طول هجم عليه بس قبل لا يوصل انسحب جهه ثانيه وبتهديد : إلا أبووووووووي ...

أبو سالم عصب حده: أنت يالبببببببببزر لا تكلمني بهذي الطريقه ...

الجده على طول تقدمت وعطت ولدها أبو سالم كف على وجهه ودمعتها على طول نزلت من خدها بإنسيابيه

الجده: خسارة تربيتي فيك ... (طالعت مرته) حسبي الله على من كان السبب ...

سحر انقهرت حدها وخصوصا أن نظرات الكل صارت عليها وسكتت ...

سالم بخوف: يمممممممممه ... أبوي بيطقني ....

أبو سالم ضحك : ماااااااااااااات ... (طالع بنته) دعوتك مستجابه يا ملاك ...

ملاك ظلت ترجف من نظرات أبوها الغير مطمئنه ولما قرب منها على طول جاسم مسكاه وصرخ عليها: تباااااااااااعدي ...

ملاك ظلت مكانها وبعد مده تقدمت لأبوها وابتسمت: ما دعيت عليه بالموووووووووت .. (بكل هدوء قالتها له)

أبو سالم بحقد مالي قلبه : كل مننك ومن أمممممك ... كل منكم ...

ملاك نزلت راسها : أمي ميته ترحم عليها ...

أبو سالم : الله لا يرحمها ... جابت لي الهــــ ... (ومشى عنهم لغرفته وعلى طول مرته كانت وراه)

حست ان عينها تقفل والدنيا ظلاااااااااااااااااااااام ..رجلها ماشالتها واكتفت تطيح بانسيابيه بس خلفت صوت قوي نوعا ما..

الكل كان مستغرب ويطالع طيف أبو سالم ومرته وبعدها ما سمعوا إلا صوت طيحه الكل لف وشهق : ملاااااااااااااااااك

مشكووور صراحه القصه حلوه وايد

نورت